Без дзяржаўнай рэгістрацыі, але з сістэматычным даходам

Без дзяржаўнай рэгістрацыі, але  з сістэматычным даходам
Супрацоўнікамі Упраўлення Дэпартамента фінансавых расследаванняў Камітэта дзяржкантролю Рэспублікі Беларусь па Віцебскай вобласці ўзбуджана крымінальная справа па прыметах саставу злачынства, якое прадугледжана ч. 3 арт. 233 КК Рэспублікі Беларусь (незаконная прадпрымальніцкая дзейнасць), у адносінах да трох жыхароў г. Наваполацка, якія планавалі і размяркоўвалі ролі без дзяржаўнай рэгістрацыі і без спецыяльнага дазволу (ліцэнзіі) з мэтай атрымання сістэматычнага даходу ў перыяд з чэрвеня 2009 года па студзень 2010 года, дзейнічалі ад імя і з выкарыстаннем рэквізітаў ілжэпрадпрымальніцкіх структур, здзяйснялі на тэрыторыі Рэспублікі Беларусь прадпрымальніцкую дзейнасць без дзяржаўнай рэгістрацыі (незаконную прадпрымальніцкую дзейнасць), якая звязана з атрыманнем даходу ў асабліва буйным памеры.

Пра своечасовую выплату заработнай платы
Пытанне своечасовасці выплаты заработнай платы, пенсій і дапамог знаходзіцца на пастаянным кантролі ў Камітэце дзяржкантролю Віцебскай вобласці. І ўсё ж такі ў ходзе кантрольна-аналітычных мерапрыемстваў, якія праводзяцца, працягваюць выяўляцца факты незабеспячэння кіраўнікамі прадпрыемстваў і арганізацый своечасовай выплаты заработнай платы работнікам.
Камітэт дзяржаўнага кантролю Віцебскай вобласці лічыць неабходным звярнуць увагу кіраўнікоў прадпрыемстваў і арганізацый незалежна ад форм уласнасці на тое, што незабеспячэнне своечасовай выплаты заработнай платы з’яўляецца грубым парушэннем працоўных абавязкаў, за што віноўныя асобы прыцягваюцца да адказнасці.
Гэта меры адміністрацыйнага спагнання ў выглядзе накладання штрафу на кіраўніка ад 140 да 700 тысяч рублёў (ад 4 да 20 базавых велічынь) і на юрыдычную асобу – да 3,5 мільёна рублёў (да 100 базавых велічынь). Акрамя таго, да кіраўніка могуць быць прыменены меры дысцыплінарнага ўздзеяння, аж да вызвалення ад пасады, якую ён займае.

Парушэнні правілаў гандлю
Праведзена пазапланавая аператыўная праверка магазіна “Прадукты” прыватнага унітарнага кааператыўна-гандлёвага прадпрыемства “Віцебская універсальная база”, у ходзе якой устаноўлены парушэнні правілаў гандлю, парадку выкарыстоўвання касавых апаратаў, санітарных нормаў, правілаў і гігіенічных нарматываў.
Сярод іх:
— неналежная якасць тавараў са скончаным тэрмінам прыдатнасці (ад 3 дзён да 4 месяцаў);
— на некаторых таварах не былі вызначаны тэрмін прыдатнасці і дата вырабу;
— не забяспечана выкананне ўстаноўленых заканадаўствам санітарных нормаў і правілаў:
— каўбасы выкладваліся на дно вітрыны, што ахалоджваецца, а не на паднос;
— хлеб у гандлёвай зале зберагаўся на паліцах, якія размешчаны на адлегласці, меншай за 60 сантыметраў;
— праход у аддзел “Гастранамія” быў застаўлены тарай з таварам;
— у складскім памяшканні сапсаваныя тавары зберагаліся паблізу дабраякасных.
Разглядаецца пытанне аб прыцягненні віноўных да адміністрацыйнай адказнасці