С недавнего времени «Поймать» волну Первого национального канала белорусского радио, а вместе с ним и районное радио, стало удобнее для жителей Докшицкого района

З нядаўняга часу слухаць Першы нацыянальны канал беларускага радыё, а разам з ім і раённае радыё, стала зручней для жыхароў раёна. Калі яшчэ дзесьці месяц назад прыёмнікі, устаноўленыя нават у адным доме, не заўсёды “лавілі” патрэбную хвалю, то цяпер паслухаць навіны краіны можна паўсюдна. Як расказаў начальнік раённага вузла электрасувязі Віктар Падцяроб, паляпшэнне сігналу стала магчыма пасля настройкі абсталявання вышкі ва Ушачах. Магутнасць сігналу перадатчыка ў FM-даяпазоне павялічылася з 4 да 10 кВт. Адначасова ў Бягомлі ўстаноўлены дадатковы новы перадатчык для вяшчання трансляцыі Першага нацыянальнага каналу.

– Той, хто яшчэ не набыў радыёпрыёмнік, – дадаў Віктар Уладзіміравіч, можа звярнуцца да нас у РВЭС, – тэхнікі хопіць усім. Кошт яе застаецца ранейшым.

Нагадаем, што раённае радыё можна пачуць на хвалях Першага Нацыянальнага канала, але толькі на частаце 72,65 МГц кожны аўторак. Пачатак эфіру ў 21.05. Акрамя навін і рэпартажаў, у выпусках перадач мы з задавальненнем агучым музычныя прывітанні і віншаванні, а таксама размесцім рэкламу.