Дом № 8 по улице Школьной г. Докшицы, является одним из претендентов на призовое место в районном конкурсе на лучшее новогоднее оформление
Снегавіка Новікі паставілі акурат пад сваім балконам.
Да Новага года застаюцца лічаныя дні. Да гэтага свята рыхтуюцца ўсе, каму хочацца найлепш сустрэць яго, з удзячнасцю развітаўшыся з годам адыходзячым. Будынкі ўпрыгожваюць ілюмінацыяй, на цэнтральную плошчу горада прыехала прыгажуня елка. Учора, на каталіцкія Каляды, горад зіхацеў тысячамі агеньчыкаў. Можна было бясконца любавацца справай рук не толькі калектываў прадпрыемстваў і арганізацый, але і асобных грамадзян.
Адным з прэтэндэнтаў заняць прызавое месца ў раённым конкурсе на лепшае навагодняе афармленне, пэўна, будзе дом № 8 па вуліцы Школьнай, дарэчы, трохразовы пераможца конкурсу на лепшую дваровую тэрыторыю.
Жыхары дома вельмі пастараліся. Яны не толькі ўпрыгожылі сцены пад’езда і лесвічную пляцоўку рознай навагодняй атрыбутыкай. У двары з’явіўся снегавічок з пластыкавых стаканчыкаў. Незвычайную кампазіцыю змайстравалі сужэнцы Новікі.
– Каб яе зрабіць, спатрэбілася 800 (!) аднаразовых стаканчыкаў, – расказала Тамара Новік, адна з самых ініцыятыўных жыхароў дома. – Не паверыце, усе мы набылі ў “Родным куце”, і ўсё роўна не хапіла: прыйшлося дакупліваць у іншых крамах. Цярпенне, спрыт – і за некалькі вечароў атрымаўся снегавічок. На галаву надзелі капялюш, упрыгожылі яго гірляндай. Прыемна, што наша праца не была дарэмнай, бо новы казачны герой спадабаўся не толькі дзецям, а і дарослым.
Трэба сказаць, што, акрамя Новікаў, пад’езд да Новага года актыўна рыхтавалі Кацярына Бальшунова, Ларыса Маркавец, Ларыса Герасімёнак і іншыя
суседзі.
Таццяна ПАДБЯРЭЗКАЯ.
Фота В. Чарвінскага.
