В Докшицах прошёл конкурс творчества «Ярмарка семейных талантов»

Адкрыты творчы конкурс пад такой назвай прайшоў у парку Заазёрны ў межах Фестыва­лю дзвюх рэк. Свае разнастайныя ўменні на ім дэманстравалі сем’і Шаршунс з Глыбокага, Сят­коўскіх з Верхнядзвінска і нашы землякі Салаўё­вы з Барсукоў.

Алена Шаршунс са старэйшым сыночкам Мацвеем шчыра і вельмі пранікнёна выканалі песню “Для чаго мы на свеце жывём” і сталі пе­раможцамі ў намінацыі “Сям’я, якая спявае”. Іх група падтрымкі – муж і малодшыя сын і дачуш­ка заўзята падтрымлівалі выступленне.

Не адпусцілі без найгрышу “на біс” выдатны сямейны дуэт Вольгі і Аляксандра Сяткоўскіх з Верхнядзвінска, якім таксама дапамагалі старэйшыя дзеці Усцін і Лія, а малодшая Аліна чакала бацькоў дома, куды яны вярнуліся з ды­пломам у намінацыі “Музычная сям’я”.

Не толькі візітоўку сваёй сям’і, але і выста­ву-дэгустацыю падрыхтавалі Аляксей і Васіліна Салаўёвы разам з дачушкамі. Чаго на ёй толькі ні было: рыбацкія трафеі і з густам зробленыя вырабы з дрэва, ферментаваныя зборы траў і сушаныя фрукты і ягады, разнастайнае дамаш­няе печыва, а яшчэ вязаныя вырабы і шыццё. Да таго ж усе члены сям’і былі апрануты ў адзі­ным стылі ў прыгожыя строі, рукі да вырабу якіх прыклала таленавітая Васіліна. Не дзіўна, што яны адзначаны ў наміна­цыі “Сямейная прыклад­ная творчасць”.

Падчас узнагароджан­ня старшыня журы начальнік упраўлення па працы, занятасці і сацыяльнай абароне райвыканка­ма Алена Тулоўская падзякавала і гасцям, і землякам за ўдзел у конкур­се і пажадала і надалей развіваць твор­чыя здольнасці, якія, безумоўна, яднаю­ць бацькоў і дзяцей.

 Наталля СТАШЭВІЧ.
Фота аўтара.