Команда тысячников Докшицкого района пополнилась
Старшыня прафсаюза работнікаў АПК Васіль Васюковіч, першы сакратара РА ГА «БРСМ» Яўгенія Шаура, камбайнер Аляксандр Трус і дырэктар ААТ «Бягомльскае» Аляксандр Навіцкі.
Па тысячы тон збожжа на рахунку яшчэ двух камбайнераў – Валерыя Пракаповіча з ААТ “Таргуны” і Аляксандра Труса з ААТ “Бягомльскае”.
Як ужо неаднаразова вызначалася падчас раённага спаборніцтва, высокіх вынікаў дасягаюць не толькі прафесіяналы з вялікім вопытам работы, загартаваныя ў бітвах за ўраджай, але і іх маладыя таварышы.
Мовай лічбаў. Уборачная кампанія ў раёне набліжаецца да завяршэння. Па стане на 23 жніўня збожжавыя і зернебабовыя культуры, за вылікам кукурузы, убраны на 87 працэнтах плошчаў. Поўнасцю завяршылі жніво ААТ “Барсучанка”, ААТ “Докшыцкі райаграсэрвіс” і ААТ “Бягомльскае”. Тройка лідараў па ўраджайнасці: ААТ “Таргуны”, ААТ “Бягомльскае”, ДП “Гняздзілава-Агра”.
Так, Аляксандр Трус у сельскай гаспадарцы мае яшчэ невялікі стаж работы: з 2019 года пасля заканчэння Лепельскага аграрна-тэхнічнага каледжа. Там малады механізатар займеў спецыяльнасць механіка сельскай гаспадаркі, але, прызнаецца, куды больш яму падабаецца праца менавіта ў полі.
– Тут адразу бачыш вынікі сваіх намаганняў, прыкладзеных сіл, – разважае. – Радуешся роўным бліскучым барознам вільготнай глебы, густым зялёным усходам збожжа, зжатым палеткам з кукурузай і запоўненым сіласным траншэям… Мне падабаецца кіраваць магутнай тэхнікай, не сумна цэлы дзень знаходзіцца сам-насам з прыродай. Думаю, што менавіта ў гэтым маё прызванне – быць хлебаробам.
Аляксандр родам з Гліннага, зараз з сям’ёй, у якой падрастае маленькая дачушка Ульяна, жыве ў Прудніках. У “Бягомльскае” ўладкаваўся толькі два месяцы таму, тым не менш першы поспех не прымусіў сябе чакаць. Да ўсяго ў маладой сям’і ў хуткім часе чакаецца папаўненне, а гэта для руплівага працаўніка яшчэ адзін дадатковы стымул.
Ганарымся. Вадзіцель ААТ “Таргуны” Аляксандр Маскалёнак трымае пальму першынства ў абласным спаборніцтве сярод маладых вадзіцеляў на адвозцы збожжа і рапсу.
Алена НЕСЦЯРОНАК.
Фота аўтара.
