В агрогородке Порплище прошёл брендовый праздник «Яблочный Спас затей припас»
У аграгарадку Порплішча прайшло брэндавае свята “Яблычны Спас”. Для яго правядзення, як звычайна, выбралі пляцоўку каля мясцовага сельскага Дома культуры. Ганаровымі ўдзельнікамі фэсту былі дэпутат Докшыцкага раённага Савета дэпутатаў, намеснік старшыні райвыканкама Аксана Палачаніна, начальнік аддзела культуры райвыканкама Вольга Сушко, старшыня Парплішчанскага сельскага Савета дэпутатаў Сяргей Лісіца, настаяцель храма Праабражэння Гасподняга протаіерэй Віктар Гмір.
Са святам, якое аб’ядноўвае не толькі мясцовых жыхароў, але і гасцей з іншых сельсаветаў і нават раёнаў і абласцей нашай краіны, усіх павіншавала ў прывітальным слове Аксана Палачаніна.
– Так ужо прынята па старой добрай традыцыі, што менавіта на Яблычны Спас у Порплішча з’язджаюцца родныя і блізкія, – гаварыла Аксана Эдуардаўна. – Кожны гаспадар запрашае да сябе ў госці і накрывае хлебасольныя сталы. Гэта пацвярджае і сённяшняя выстава “Яблычны вернісаж”, на якой прадстаўлена безліч кулінарных вырабаў з яблыкаў, а таксама творчых работ. Міру і дабрабыту ў кожны дом!
Са святам Праабражэння Гасподняга павіншаваў протаіерэй Віктар Гмір, які заўважыў, што для таго каб быць шчаслівым чалавекам, трэба толькі навучыцца дзякаваць за ўсё Богу.
Як і ў мінулыя разы, падчас мерапрыемства ўшаноўваліся лепшыя мясцовыя гаспадары, творцы, юбіляры.
Так, у аглядзе-конкурсе “Ветэранскае падвор’е” падзяка райвыканкама і раённага Савета дэпутатаў была аб’яўлена сям’і Леаніда і Людмілы Таіравых з Варганоў. Таксама за навядзенне ўзорнага парадку ўзнагароджаны Алег і Наталія Лычко з Порплішча. Віншаванні прымалі самы маленькі мясцовы жыхар Даніла Грыга і адны са старэйшых жыхароў аграгарадка Ірына Сауліч і Глафіра Атрахімовіч.
Не забыліся і пра юбіляраў гэтага года, сярод якіх 90-гадовы Уладзімір Пупін, 85-гадовыя Часлава Канашкова і Генадзь Палянскі, 70-гадовыя Ніна Жызнеўская, Людміла Шарох, Іван Шарох і Алена Занько, 65-гадовая Аліна Грыгаровіч, 60-гадовыя Анатоль Палачанін, Таццяна Блажыевіч, Лілія Шулья, Ганна Саковіч, Марына Кухарэвіч, Валянціна Красоўская, Пётр Бабучэнка.
Памятны падарунак ад ААТ “Барсучанка” атрымалі Аляксей і Соф’я Васільевы, якія ў лістападзе адзначаць жамчужнае вяселле.
Словы падзякі прагучалі ў адрас пастаянных удзельніц мастацкай самадзейнасці Святланы Коўзан, Ірыны Кажарновіч і Анжалікі Бурэнь.
У канцэртнай праграме свята выступілі салісты Докшыцкага ГЦК Вятлана Гарбачова, Вольга Стадольнік і Надзея Чучман, трыа ў саставе Аляксандра Плыгаўкі, Ягора Асаёнка і Радзівона Камянецкага, а таксама мясцовыя артысты. На біс выклікалі парплішчане і госці свята Аляксандра Малюжанца, які зачараваў усіх сваёй ігрой на саксафоне.
У межах свята адбыўся творчы конкурс “Яблычны вернісаж”.
У намінацыі “Яблычны пір” перамог калектыў Парплішчанскай амбулаторыі ўрача агульнай практыкі, на другім і трэцім месцах Парплішчанскія СШ і дзіцячы сад адпаведна.
У намінацыі “Яблычнае дзіва” дыпломам першай ступені ўзнагароджана сумесная творчая работа Парплішчанскіх СДК і сельскай бібліятэкі. Дыпломамі другой і трэцяй ступені адзначаны аддзяленне паштовай сувязі “Порплішча” і Таргуноўскі сельскі клуб-бібліятэка.
У намінацыі “Яблычны настрой” перамагла Глінская сельская бібліятэка. Таксама ў тройцы прызёраў Крулеўшчынская сельская бібліятэка і крама “Хлеб+” філіяла
ААТ “Віцебскхлебпрам”.
Яўгенія МАЛЕВІЧ.
Фота аўтара.
