Новое производство мясных консервов создадут в Докшицком районе

Ідзе рамонт ў калбасным цаху.

Не сакрэт, што асновай развіцця любога рэгіёна з’яўляюцца моцныя прадпрыемствы, якія не павінны стаяць на месцы. Неабходна развівацца, праводзіць мадэрнізацыю, асвойваць новыя віды дзейнасці і прадукцыі.

Сёлета крокам да далейшага развіцця дзейнасці Докшыцкага філіяла аблспажыўтаварыства стане новая вытворчасць мясных кансерваў, якую плануецца запусціць да канца года і дадаткова адкрыць два працоўныя месцы. Гэта адзін з інвестыцыйных праектаў, які рэалізуецца ў нашым раёне.

– Новая вытворчасць будзе наладжана ў каўбасным цэху, – расказала дырэктар філіяла аблспажыўтаварыства Таццяна Каляга. – Зараз там вядуцца рамонтныя работы, падводзяцца неабходныя камунікацыі – водаправод, каналізацыя, манціруецца вентыляцыйная сістэма. З аднаго вялікага па плошчы памяшкання зроблена пяць, дзе і плануецца ўстанавіць лінію па выпуску мясных кансерваў. Ужо закуплена абсталяванне, якое складаецца з шасці механізмаў, у тым ліку з устаноўкі мыйкі і стэрылізацыі бляшанак, упаковачнай машыны, парагенератара.

Кааператары будуць выпускаць два віды кансерваў – “Ялавічына сечаная тушаная” і “Свініна па-дамашняму тушаная” вагой па 338 грамаў. Пастаўляць прадукцыю спачатку будуць у гандлёвыя аб’екты спажыўкааперацыі Віцебскай вобласці, а ў перспектыве геаграфію паставак пашыраць за яе межы.

– Попыт на тушонку будзе, – упэўнена Таццяна Мікалаеўна. – Паколькі ў прадукцыі вялікі тэрмін захоўвання і шырокі дыяпазон тэмператур пры захоўванні.

Увогуле ў інвестыцыйны партфель Докшыцкага раёна на 2024 год уключаны шэсць асноўных вытворчых праектаў з аб’ёмам інвестыцый 26,1 мільёна рублёў і адкрыццём 38 новых працоўных месцаў. Сярод іх – рэканструкцыя МТК “Дабрунь” ААТ “Бягомльскае”, стварэнне прыватным прадпрыемствам “ЧэрвеньАгра” прамысловай устаноўкі па вытворчасці кармавой дабаўкі для буйной рагатай жывёлы, вытворчасць парфумернай прадукцыі, вытворчасць ТАА “Фабрыка Параф’янава” квасаў і кісялёў і іншыя.

 Таццяна ПАДБЯРЭЗКАЯ.