Докшицкий военный комиссариат ведет свою историю с 20 августа 1940 года

Фото 2018 года.

ДА ДНЯ ВАЕННЫХ КАМІСАРЫЯТАЎ

Папярэднікі ваенкама­таў існавалі з па­чатку ўстанаўлення дзяржаўных фар­міраванняў, толькі ў розныя часы гэтыя структуры называліся па-рознаму: ад пе­рапісчыкаў Старажытнай Русі да ваенных аддзелаў валас­ных, павятовых, губернскіх і мясцовых Саветаў. У красавіку 1918 года з’явілася вышэйшая ваенная інспекцыя, якая была абавязана аказваць дапамогу мясцовым органам ваеннага кіравання ў стварэнні арміі, а таксама кантраляваць парадак яе фарміравання і навучання. Докшыцкі ваенны камісары­ят вядзе сваю гісторыю з 20 жніўня 1940 года. Некалькі разоў мяняў месца дыслакацыі. Напрыклад, з 1944 па 1956 год размяшчаўся ў Параф’янаве. У 1963 годзе быў расфарміра­ваны, але праз два гады зноў пачаў сваю дзейнасць. Спа­чатку знаходзіўся па адрасе г. Докшыцы, вул. Палявога, д.15. У 1982 годзе быў пераведзены ў суседні дом № 14, дзе знаход­зіцца і ў цяперашні час.

Першым ваенным камісарам быў капітан Сурын. За ім ваенка­мат узначальвалі М.Ф. Іваноў, С.І. Юрчанка, І.Ф. Шаціла, П.М. Пан­цялееў, А.П. Давыдаў, У.А. Камза­коў, М.М. Курносаў, А.Ц. Смірноў, М.Ф. Гордзін, П.Г. Вязнікаў, Ю.С. Жыўлюк, Г.В. Пацэвіч. Са снеж­ня 2015 года ваенны камісарыят Докшыцкага раёна ўзначальвае падпалкоўнік Віталь Леснічэнка.

Па змесце і характары тых задач, якія выконвае ваенкамат, яго можна назваць сувязным звяном паміж воінскімі часцямі, мясцовай адміністрацыяй і на­сельніцтвам. У адказнасці яго супрацоўнікаў пытанні па мабілі­зацыйнай гатоўнасці, тэрытары­яльнай абароне, якаснай падрых­тоўцы моладзі да службы ў арміі, падрыхтоўцы і перападрыхтоў­цы афіцэраў запасу, арганізацыя воінскага ўліку, прызыву грамад­зян на ваенную службу і службу ў рэзерве, адборы кандыдатаў для праходжання службы па кантрак­це і паступлення ў ваенныя наву­чальныя ўстановы. Акрамя таго, тут вядзецца работа па пенсій­ным забеспячэнні і сацыяльным абслугоўванні ваеннаслужачых, звольненых з ваеннай службы, і членаў іх сямей.

Вялікая ўвага надаецца ваен­на-патрыятычнаму выхаванню падрастаючага пакалення. У гэ­тай рабоце актыўна дапамагаюць ветэраны Узброеных Сіл Рэспу­блікі Беларусь, былыя ваенкамы Аляксей Смірноў, Пётр Вязнікаў, Юрый Жыўлюк, Генадзь Пацэвіч.

Падпалкоўнік у адстаўцы АЛЯКСЕЙ СМІРНОЎ ва­еннай справе прысвяціў 30 гадоў. На службу ў армію быў прызваны ў 1956 годзе. На пра­цягу года быў камандзірам танка ў танкавым палку ва Уладзіміры. Скончыў Горкаўскае радыётэх­нічнае вучылішча войск супра­цьпаветранай абароны. За да­сягненне значных прафесійных поспехаў яму была прысвоена кваліфікацыя “майстар па стан­цыях навядзення ракет”. У 1968 – 1969 гадах знаходзіўся ў спец­камандзіроўцы ў Дэмакратычнай Рэспубліцы В’етнам. За мужнасць і адвагу, праяўленыя там, быў уз­нагароджаны ордэнам Чырвонай Зоркі. З 1975 па 1986 год афіцэр працягнуў службу ў сістэме ваен­ных камісарыятаў Чырванасцяж­най Беларускай ваеннай акругі, з іх чатыры апошнія гады быў ва­енным камісарам у Докшыцах.

Кадравы афіцэр ПЁТР ВЯЗНІКАЎ службе Радзіме прысвяціў 28 га­доў. Закончыў Палтаўскае зеніт­на-артылерыйскае вучылішча, пасля чаго служыў у 103 Віцеб­скай дывізіі паветрана-дэсант­ных войскаў. Сем гадоў вучыў ваеннай справе байцоў тэрміно­вай службы. У снежні 1979 года трапіў у Афганістан, дзе абара­няў штаб сваёй дывізіі ў Кабуле. З Афганістана вярнуўся ў 1982 годзе. Пасля гэтага некаторы час быў начальнікам проціпаветра­най абароны Тульскага паветра­на-дэсантнага палка. З 1988 года па 1996-ы ўзначальваў Докшыцкі ваенны камісарыят.

Выслуга гадоў ва Узброе­ных Сілах падпалкоўніка ЮРЫЯ ЖЫЎЛЮКА – 32 гады. Скончыў Омскае вышэйшае танкавае вучылішча, пасля чаго быў накіраваны ў Адэскую ваен­ную акругу. Пэўны час служыў камандзірам танкавай роты За­байкальскай ваеннай акругі. З 1989 па 1991 год быў началь­нікам штаба – намеснікам каман­дзіра мотастралковага батальёна 183 танкавага палка ў Барыса­ве. Працягнуў ваенную службу ў сістэме ваенных камісарыятаў у 1991 годзе на пасадзе начальніка першага аддзялення – намесніка ваеннага камісара, якім потым з’яўляўся з 1996-а па 2006-ы г. Уз­нагароджаны медалём “За безда­корную службу”.

У 2006 годзе годную дзей­насць сваіх папярэднікаў пераняў падпалкоўнік ГЕНАДЗІЙ ПАЦЭВІЧ. У ваенным камісарыяце, перад тым як заня­ць кіруючую пасаду, ён прайшоў усе ступені кар’ернага росту. Пад яго кіраўніцтвам у 2009 годзе па выніках службовай дзейна­сці Докшыцкі ваенкамат быў прызнаны лепшым у вобласці. У арсенале ўзнагарод ёсць такса­ма падзячны ліст ад галоўнака­мандуючага ваенна-паветраных сіл Расійскай Федэрацыі гене­рал-палкоўніка А. Зеліна. Пада­рункамі была адзначана паказальная работа ваенкамата па пастаўцы ваеннаабавязаных на зборы. Генадзій Вацлававіч уз­нагароджаны медалём “За безда­корную службу”.

Са снежня 2015 года ваен­ны камісарыят Докшыц­кага раёна ўзначальвае падпалкоўнік ВІТАЛЬ ЛЕСНІЧЭН­КА. Родам ён з Ушаччыны. Вучыў­ся ў Ваеннай Акадэміі Рэспублікі Беларусь, пасля заканчэння якой атрымаў кваліфікацыю каман­дзіра падраздзяленняў радыё- і касмічнай сувязі. Шлях ад каман­дзіра ўзвода да начальніка шта­ба батальёна сувязі прайшоў у 103-й асобнай паветрана-дэсант­най брыгадзе ў Віцебску. Далей Віталію Леснічэнку была даве­рана пасада намесніка кіраўніка ваеннай камендатуры Віцебскай вобласці, пасля расфарміраван­ня якой ён працягнуў службу ў сістэме ваенных камісарыятаў. З усіх прапаноў выбраў родную Ушаччыну. Праз год узначаліў ваенны камісарыят у Докшыцах. Узнагароджаны медалём “За без­дакорную службу”.

Яўгенія МАЛЕВІЧ.