Вокальный конкурс «Семицветик» принес Докшицкому району две награды

Вакальны конкурс “Сяміцвецік”, які прайшоў у горадзе Віцебску, прынёс нашаму раёну дзве ўзнагароды. Сваіх юных талентаў на мерапрыемства ўпершыню прадставіла Бягомльская школа мастацтваў. У намінацыі “вакальная група” выступілі сёстры Траплоўскія. Віівіка і Ангеліка некалькі год займаюцца музычным мастацтвам і даўно зарэкамендавалі сябе як добрыя спявачкі. Іх мастацкі кіраўнік Зоя Крыуш адказна падышла да справы. Рэпетыцыі не прайшлі дарэмна – дзяўчаты прывезлі з конкурсу дыплом лаўрэатаў трэцяй ступені. У сольным выступленні трэцяй стала яшчэ адна выхаванка Зоі Мікалаеўны – Лізавета Яцкевіч. Для дзяўчат удзел у конкурсе і тым больш перамога ў ім стала сапраўдным падарункам напярэдадні навагодняга свята.

Яўгенія МАЛЕВІЧ.
НА ЗДЫМКУ: сёстры-блізняты Віівіка і Ангеліка Траплоўскія ў сцэнічных касцюмах (з вяночкамі на галовах); з Дыпломам пераможцы Лізавета Яцкевіч справа на першым плане.