Як ферму святла пазбаўлялі

На працягу двух месяцаў два работнікі адной з жывёлагадоўчых фермаў ААТ “Таргуны” выносілі з памяшкання лямпы электраасвятлення, якія потым прадавалі. Нельга сказаць, што не было сведкаў іх злачынных дзеянняў. Бачылі, але абыякава назіралі за гэтым нават тыя, хто павінен сачыць за захаванасцю  маёмасці акцыянернага таварыства. Міліцыі пра крадзеж стала вядома, калі колькасць украдзеных лямпаў перавысіла чацвёрты дзясятак.